ദേശീയം
കോവിഡ് വ്യാപനം; വിവിധ സംസ്ഥാനങ്ങളിലേക്ക് കേന്ദ്രസംഘത്തെ അയക്കാന് തീരുമാനം
കോവിഡ് രോഗവ്യാപനം കൂടുതലുള്ള സംസ്ഥാനങ്ങളിലേക്ക് കേന്ദ്രസംഘത്തെ അയക്കാന് തീരുമാനം.
സംസ്ഥാനങ്ങളില് കോവിഡിനെതിരായ പോരാട്ടം എങ്ങനെ കൈകാക്യം ചെയ്യുന്നുവെന്ന് നിരീക്ഷിക്കാനാണ് സംഘത്തെ കേന്ദ്രം അയക്കുന്നത്.
മഹാരാഷ്ട്ര, ഡല്ഹി, കേരളം, രാജസ്ഥാന്, പശ്ചിമ ബംഗാള് എന്നിവിടങ്ങളില് കൂടുതല് പോസിറ്റീവ് കേസുകള് റിപോര്ട്ട് ചെയ്യുന്ന സംസ്ഥാനങ്ങളിലേക്കാണ് കേന്ദ്ര സംഘത്തെ അയക്കുക.
കോവിഡ് ബാധയുടെ കാര്യത്തില് ലോകത്തില് രണ്ടാം സ്ഥാനത്തുള്ള ഇന്ത്യയില് ഇതുവരെ 1.32 ലക്ഷം പേര് മരിച്ചിട്ടുണ്ടെന്നാണ് ഏറ്റവും പുതിയ കണക്ക്.
സംസ്ഥാനങ്ങളോട് കോവിഡ് പരിശോധനയുടെ എണ്ണം വര്ധിപ്പിക്കാനും വ്യാപകമാക്കാനും കേന്ദ്രസര്ക്കാര് നിര്ദേശിച്ചിട്ടുണ്ട്.
എയിംസ് ഡയറക്ടര് ഡോ. രണ്ദീപ് ഗുലെറിയുടെ നേതൃത്വത്തിലുള്ള മൂന്നംഗ സംഘമാണ് സന്ദര്ശിക്കുന്നത്.
കോവിഡിനെതിരായ പ്രവര്ത്തനങ്ങള് വിലയിരുത്തുന്നതിനായി ഹരിയാണ, രാജസ്ഥാന്, ഗുജറാത്ത്, മണിപ്പൂര് എന്നീ സംസ്ഥാനങ്ങളിലേക്ക് ഉന്നതതല സംഘങ്ങളെ അയച്ചതിനു പിന്നാലെയാണ് കൂടുതല് സംസ്ഥാനങ്ങളിലേക്ക് ഇത് വ്യാപിപ്പിക്കാന് സര്ക്കാര് നീങ്ങുന്നത്.