കായംകുളം പൊലീസ് ബലമായി കൂട്ടിക്കൊണ്ടുപോയ യുവതിയെ കോടതി വരനൊപ്പം വിട്ടു

​മ​ക​ളെ​ ​കാ​ണാ​നി​ല്ലെ​ന്ന​ ​മാതാപിതാക്കളുടെ​ ​പ​രാ​തി​ ​അ​ന്വേ​ഷി​ച്ചെ​ത്തി​യ​ ​കാ​യം​കു​ളം​ ​പൊ​ലീ​സ് ​വി​വാ​ഹ​ ​സ​മ​യ​ത്ത് ​ക്ഷേത്ര പരിസരത്ത് നിന്ന് വ​ധു​വി​നെ​ ​ബ​ല​മാ​യി​ ​കൂ​ട്ടി​ക്കൊ​ണ്ടു​പോ​യി.​ ​ഇ​ന്നലെ ​ ​വൈ​കി​ട്ട് ​നാ​ലോ​ടെ​ ​കോ​വ​ളം​ ​കെ ​എ​സ് ​റോ​ഡി​ലാ​ണ് ​നാ​ട​കീ​യ​ ​സം​ഭ​വ​ങ്ങ​ൾ​ ​അ​ര​ങ്ങേ​റി​യ​ത്.​ ​സം​ഭ​വ​ത്തി​ൽ​ ​യു​വാ​വി​ന്റെ​ ​പി​താ​വ് ​കോ​വ​ളം​ ​പൊ​ലീ​സി​ൽ​ ​പ​രാ​തി​ ​ന​ൽ​കി. ​ഒ​ടു​വി​ൽ​ ​മ​ജി​സ്ട്രേ​റ്റി​നു​ ​മു​ന്നി​ൽ​ ​ഹാ​ജ​രാ​ക്കി​യ​ ​ശേ​ഷം​ ​യുവതിയെ​ ​യു​വാ​വി​നൊ​പ്പം​ ​വി​ട്ടു.

16​ന് ​കോ​വ​ള​ത്തു​ള്ള​ ​അഖിലിനൊപ്പം​ ​ഇ​റ​ങ്ങി​വ​ന്ന​ ​കാ​യം​കു​ളം​ ​സ്വ​ദേ​ശി​യാ​യ​ ​ആൽഫിയയെ​ ​പി​ന്തു​ട​ർ​ന്ന് ​ബ​ന്ധു​ക്ക​ൾ​ ​കോ​വ​ള​ത്തെ​ത്തി​യി​രു​ന്നു.​ ​അ​ന്ന് ​പൊ​ലീ​സ് ​സാ​ന്നി​ധ്യ​ത്തി​ൽ​ ​യു​വ​തിയു​ടെ​ ​ഇ​ഷ്ടാ​നു​സ​ര​ണം​ ​ക​ഴി​യാ​ൻ​ ​തീ​രു​മാ​നി​ക്കു​ക​യും​ ​ബ​ന്ധു​ക്ക​ൾ​ ​പി​ന്തി​രി​യു​ക​യും​ ​ചെ​യ്‌​തു​വെ​ന്ന് ​യു​വാ​വി​ന്റെ​ ​പി​താ​വ് ​ന​ൽ​കി​യ​ ​പ​രാ​തി​യി​ലു​ണ്ട്.​ ​എ​ന്നാ​ൽ​ ​യു​വ​തി​യെ​ ​കാ​ണാ​നി​ല്ലെ​ന്ന​ ​ബ​ന്ധു​ക്ക​ളു​ടെ​ ​പ​രാ​തി​യെ​ ​തു​ട​ർ​ന്നാ​ണ് ​കാ​യം​കു​ളം​ ​പൊ​ലീ​സ് ​വീ​ണ്ടും​ ​കോ​വ​ള​ത്തെ​ത്തി​യ​ത്.​

​വൈ​കി​ട്ട് 4​ന് ​വി​വാ​ഹം​ ​ന​ട​ക്കു​ന്ന​ ​ക്ഷേ​ത്ര​വ​ള​പ്പി​ൽ​ ​ക​ട​ന്നാ​ണ് ​കാ​യം​കു​ളം​ ​പൊ​ലീ​സ് ​യു​വ​തി​യെ​ ​കൂ​ട്ടി​ക്കൊ​ണ്ടു​പോ​യ​ത്.​ ​പെ​ൺ​കു​ട്ടി​യെ​ ​കൊ​ണ്ടു​പോ​യ​തി​ന് ​പി​ന്നാ​ലെ​ ​യു​വാ​വും​ ​ബ​ന്ധുക്ക​ളും​ ​കാ​യം​കു​ള​ത്തെ​ത്തി.​ ​മ​ജി​സ്ട്രേ​റ്റി​ന് ​മു​ന്നി​ൽ​ ​ഹാ​ജ​രാ​ക്കി​യെ​ങ്കി​ലും​ ​യു​വ​തി​യു​ടെ​ ​ആ​വ​ശ്യ​പ്ര​കാ​രം​ ​രാ​ത്രി​ 11​ഓ​ടെ​ ​പൊ​ലീ​സ് ​സം​ര​ക്ഷ​ണ​ത്തി​ൽ​ ​യു​വാ​വി​നൊ​പ്പം​ ​വി​ടു​ക​യാ​യി​രു​ന്നു.

Also Read: ഒന്നിക്കാൻ കൂട്ടായി കോവളം പോലീസ്; തടസമായി കായംകുളം പോലീസ്

അതേ സമയം വിവാഹം നാളെ നടക്കുമെന്ന് അഖിലും ആൽഫിയയും. കായംകുളം പോലീസ് മോശമയാണ് പെരുമാറിയതെന്നു അഖിലും ആൽഫിയയും‌ പ്രതികരിച്ചു. സ്വന്തം ഇഷ്ടപ്രകാരം ആണ് അഖിലിനോപ്പം വന്നതെന്ന് ആൽഫിയ വ്യക്തമാക്കി. വെള്ളിയാഴ്ച കോവളം പോലീസ് സ്റ്റേഷനിൽ വെച്ച് വീട്ടുകാർക്കൊപ്പം പോകാൻ തയ്യാറല്ലെന്ന് പെൺകുട്ടി പറഞ്ഞിരുന്നു. എന്നാൽ അതിന് ശേഷം ശനിയാഴ്ചയാണ് കായംകുളം പോലീസ് സ്റ്റേഷനിൽ കാണാനില്ലെന്ന പരാതി നൽകിയത്. തങ്ങളുടെ വിവാഹം നാളെ വൈകിട്ട് നടക്കുമെന്ന് അഖിലും ആൽഫിയയും വ്യക്തമാക്കി.