കേരളം
കനത്തമഴ: ചാലക്കുടി ടൂറിസം കേന്ദ്രങ്ങളില് വിലക്ക്
ജില്ലയില് വ്യാഴാഴ്ച ഓറഞ്ച് അലര്ട്ട് പ്രഖ്യാപിച്ചതിനാലും ചാലക്കുടി മേഖലയില് ശക്തമായ മഴ തുടരുന്നതിനാലും ചാലക്കുടി താലൂക്കിലെ അതിരപ്പിള്ളി, വാഴച്ചാല്, മലക്കപ്പാറ തുടങ്ങിയ ടൂറിസം കേന്ദ്രങ്ങളില് സന്ദര്ശകര്ക്ക് താല്ക്കാലിക വിലക്ക്. നാളെ മുതല് മറ്റൊരു അറിയിപ്പുണ്ടാവുന്നത് വരെ ഈ കേന്ദ്രങ്ങളില് സന്ദര്ശകര്ക്ക് പ്രവേശനം ഉണ്ടായിരിക്കില്ലെന്ന് ജില്ലാ കലക്ടര് അറിയിച്ചു.
ജില്ലയിലെ മലയോര മേഖലയിലേക്ക് വൈകീട്ട് ഏഴ് മണി മുതല് രാവിലെ ഏഴ് മണി വരെയുള്ള രാത്രിയാത്രയും നിരോധിച്ചിട്ടുണ്ട്. വ്യാഴാഴ്ച തൃശൂരിന് പുറമേ കൊല്ലം, ആലപ്പുഴ, പത്തനംതിട്ട, കോട്ടയം, എറണാകുളം, ഇടുക്കി ജില്ലകളിലാണ് തീവ്രമഴ പ്രവചിക്കുന്നത്.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement