നവകേരള സദസ്സില്‍ സഹകരിച്ചില്ല; ഏരിയാ കമ്മിറ്റിയംഗങ്ങള്‍ക്കു കാരണം കാണിക്കല്‍ നോട്ടിസ്

നവകേരള സദസ്സുമായി സഹകരിച്ചില്ല എന്നാരോപിച്ച് മൂന്ന് സിപിഎം പ്രാദേശിക നേതാക്കൾക്ക് നോട്ടീസ്. പത്തനംതിട്ട അടൂർ സിപിഎം ഏരിയാ കമ്മിറ്റിയിലെ മൂന്ന് പേർക്കാണ് കാരണം കാണിക്കൽ നോട്ടീസ് നൽകിയത്.

മധു, രാജീവ്, കൃഷ്ണകുമാർ എന്നിവരോടാണ് വിശദീകരണം തേടിയത്. അടൂരിൽ നവ കേരള സദസ്സ് എത്താനിരിക്കെയാണ് നോട്ടീസ് നൽകിയത്. വിഭാഗീയതയാണ് നവകേരള സദസിൽ നിന്ന് വിട്ടുനിൽക്കാൻ കാരണമെന്നാണ് ഒരു വിഭാ​ഗം ആരോപിക്കുന്നത്.

അതേസമയം, മൂന്ന് കമ്മിറ്റികളിൽ പങ്കെടുക്കാതിരുന്നത് കൊണ്ടുള്ള സ്വാഭാവിക നടപടിയാണ് നോട്ടീസ് നൽകിയതിന് പിന്നിലെന്ന് പത്തനംതിട്ട ഏരിയാ സെക്രട്ടറി പ്രതികരിച്ചു. ആറന്മുള, റാന്നി, കോന്നി, അടൂർ മണ്ഡലങ്ങളിലെ നവകേരള സദസുകളാണ് ഇന്ന് പത്തനംതിട്ടയിൽ നടക്കുന്നത്.