കേരളം
29 സ്‌കൂളുകള്‍ക്ക് 29 കോടി രൂപയുടെ കിഫ്ബി ഫണ്ട് അനുവദിച്ചു
പാലക്കാട് ജില്ലയിലെ 29 സ്‌കൂളുകള്‍ക്ക് ഒരു കോടി രൂപ വീതം 29 കോടി രൂപയുടെ കിഫ്ബി ഫണ്ട് അനുവദിച്ചു.
സ്‌കൂളുകളുടെ തറക്കല്ലിടല്‍ ഇന്ന് 3.30ന് മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിക്കും. ‘കില’ യാണ് നിര്‍വഹണ ഏജന്‍സി.
3 കോടി ചെലവില്‍ 25 വിദ്യാലയങ്ങളുടെ കൂടി വിശദമായ പദ്ധതി തയാറായി വരുന്നു. ഭരണാനുമതി ലഭിച്ച 36 സ്‌കൂളുകളില്‍ 29 എണ്ണത്തിനാണ് ടെന്‍ഡര്‍ ആയത്. ഇന്‍കെല്‍ ആണ് നിര്‍മാണ ഏജന്‍സി.
തരൂര്‍ മണ്ഡലത്തിലെ ജിഎച്ച്എസ്എസ് കല്ലിങ്കല്‍പ്പാടം, ജിഎച്ച്എസ്. ബമ്മണ്ണൂര്‍, ആലത്തൂര്‍ മണ്ഡലത്തിലുള്‍പ്പെട്ട ജിഎച്ച്എസ്. മുടപ്പല്ലൂര്‍, ജിഎച്ച്എസ്. കുനിശ്ശേരി, ജിയുപി സ്‌കൂള്‍ പുതിയങ്കം, ജിഎച്ച്എസ്എസ്. തേങ്കുറിശ്ശി, ചിറ്റൂര്‍ നിയോജക മണ്ഡലത്തിലെ ജിബിയുപി സ്‌കൂള്‍ തത്തമംഗലം, ജിയുപി. സ്‌കൂള്‍ കൊഴിഞ്ഞാമ്പാറ, ബി.ജി.എച്ച്.എസ്.എസ്. വണ്ണാമട, ജി.എച്ച്.എസ്.എസ്. നന്ദിയോട്, ജിയുപി.സ്‌കൂള്‍ നല്ലേപ്പിള്ളി, ജിയുപി.സ്‌കൂള്‍ തത്തമംഗലം, കോങ്ങാട് മണ്ഡലത്തിലുള്‍പ്പെട്ട ജിയുപി. സ്‌കൂള്‍ കരിമ്പ, ജിയുപി. സ്‌കൂള്‍ എടത്തറ, ഒറ്റപ്പാലം മണ്ഡലത്തിലെ ജി.എച്ച്.എസ്.എസ് മുന്നൂര്‍ക്കോട്, ജി.യു.പി സ്‌കൂള്‍ കടമ്പഴിപ്പുറം, ജിഎച്ച്എസ്.മാണിക്കപ്പറമ്പ, ഷൊര്‍ണൂര്‍ മണ്ഡലത്തിലുള്‍പ്പെട്ട ജിഎച്ച്എസ്എസ്. മാരായമംഗലം. മലമ്പുഴ മണ്ഡലത്തിലെ സിബികെഎം ജി.എച്ച്.എസ്.എസ്. പുതുപ്പരിയാരം, ജിഎച്ച്എസ്. ഉമ്മിണി, മണ്ണാര്‍ക്കാട് മണ്ഡലത്തിലെ ജിയുപി സ്‌കൂള്‍ ചളവ, ജി.എച്ച്.എസ്. നെച്ചുള്ളി തൃത്താല മണ്ഡലത്തിലെ ജിഎച്ച്എസ്. കൊടുമുണ്ട, ജിഎച്ച്എസ്. നാഗലശ്ശേരി, ജിഎല്‍പി സ്‌കൂള്‍ വട്ടേനാട്, പട്ടാമ്പി മണ്ഡലത്തിലെ ജിഎച്ച്എസ്എസ്. വല്ലപ്പുഴ, ജിഎച്ച്എസ്. വിളയൂര്‍, ജിഎച്ച്എസ്എസ് കൊടുമുണ്ട, ജി.യു.പി. സ്‌കൂള്‍ നരിപ്പറമ്പ് എന്നിവയാണ് നിര്‍മാണാനുമതി ലഭിച്ച 29 സ്‌കൂളുകള്‍.
